MEGA Premiere
7 أيام تجربة مجانًا · بدون كود ولا بطاقة

من التصوير للمونتاج الجاهز، خطوة خطوة.

Monteur هو مساعد المونتير جوّا بريمير: بيعمل عنك الشغل الطويل والمكرر بالعرس والحفلة (بيستورد وبيرتّب، بيزامن الكاميرات والصوت، بيوحّد الصوت والألوان، بيعمل أول قصّ للملتي كام، والبرومو، والعنوان)، وإنت بتضل صاحب القرار وبتعدّل كل إشي. كله على جهازك، بدون نت.

تطبيق MEGA بيثبّت Monteur بكبسة · التفعيل بكود من Ghanem Productions

Monteur
Premiere Pro · 2.21

أهلًا بك في Monteur

خطوات مونتاج العرس والحفلة

1Import
2Synchronize
3Normalize
4Color Match
5Multicam
6Recap
7Titles
أدوات إضافية
Captions
Cut to Cut
Beat Marker
Speed Ramp
A1 · Zoomsynced ✓
Multi-Camera (Nest)1 · 2 · 3
V2 · Gimbalرئيسية
أحمد & سارة
Monteur 2.21

المساعد الذكي لكل مونتير.

بيعمل الشغل الطويل والمكرر، وإنت بتقرر كل قصّة.

طريقة الشغل

سبع خطوات، من الكرت للمونتاج الجاهز

Monteur مرتّب على طريقة شغل محرر الأعراس والمناسبات. كل خطوة بتسلّمك للي بعدها، وبكل شاشة في "الخطوة اللي قبل" و"الجاية". وفوقهم أربع أدوات إضافية لأي شغل.

الخطوة 1 · جديد

Importجيب ملفات الحفلة مرتّبة

اختار فولدر الحفلة وبس. Monteur بيقرأ كل الملفات وبيعرف كل ملف من أي كاميرا أو جهاز صوت، وبيفصل التصوير المتواصل عن اللقطات القصيرة (العروس، العريس، القاعة).

  • بيقرأ الفولدرات اللي جوّا كمان، وبيتجاهل ملفات بريمير والنسخ اللي بيعملها Monteur.
  • كل كاميرا وكل جهاز صوت بمجموعة لحال، وبتقدر تغيّر اسمها ("كاميرا الستاند"، "جيمبل"…).
  • إنت بتحدد شو يعتبر "لقطة قصيرة" (أقل من كم دقيقة)، وبتقدر تنقل أي ملف بين متواصل وقصيرة.
  • الملفات بتنستورد من مكانها، ما بتنسخ ولا بتتحرك، فما بتاخد مساحة زيادة.
  • بكبسة "استورد لبريمير" كل إشي بيدخل البروجكت مرتّب وجاهز للمزامنة.
Sony FX3 · ستاند23 ملف · متواصل
Lumix · جيمبل4 ملفات · متواصل
Zoom H6 · صوت2 ملف · 2.4 ساعة
لقطات قصيرةالعروس · العريس · القاعة
ولا ملف انتسخ ✓
الخطوة 2

Synchronizeمزامنة كل الكاميرات والصوت الخارجي

زي PluralEyes بس جوّا بريمير: Monteur بيسمع الصوت بكل الملفات وبيرتّبهم على التايم لاين بالضبط، كل كاميرا على تراك وكل ملف بمكانه.

  • طريقتين: بالصوت (بيقارن صوت كل ملف بالباقي)، أو بالتايم كود إذا الكاميرات متزامنة.
  • المصادر: فولدر لكل كاميرا، أو ملفات بتحددها بالـ Project panel وبتكبس "المحدد".
  • الملفات المقطّعة (كل نص ساعة) بتنحط ورا بعض لحالها.
  • بيتعامل مع ملفات طويلة كثير (ساعتين وأكثر)، والريكوردر اللي ساعته بتنزلق بيعمله نسخة مصححة.
  • الكليبات القصيرة اللي صوتها مش واضح بتنحط حسب ساعة الكاميرا، وبتتعلّم "تقريبي" عشان تراجعها.
  • كل كاميرا على تراك (V1+A1، V2+A2…)، والملفات المكررة بتنشال، واللي ما تزامن بيروح لبن لحاله.
  • تنظيف السيكوانس: الأماكن اللي فيها بس صوت خارجي وما فيها ولا كاميرا بتنحذف من كل التراكات مع بعض، فالمزامنة ما بتخرب والسيكوانس بيوصل للـ Multicam نظيف.
  • السيكوانس بيتسمّى على اسم فولدر المناسبة.
V1
V2
V3
A4
A5
25/25 ملف متزامن
drift corrected · ±2 ms
الخطوة 3

Normalizeصوت كل الأجهزة بنفس المستوى

للصوت الخارجي أو المايك: الكلمة البعيدة عن المايك والتصفيق اللي بيفجّر السماعات بيصيروا طبقة وحدة مريحة، بالمستوى اللي بدك ياه، وبدون تقطيع.

  • نماذج جاهزة: كلام / مقابلة، حفلة / مناسبة، سوشال ميديا، خفيف.
  • المستوى النهائي: -23 LUFS للتلفزيون، -16 ليوتيوب والبودكاست، -14 للسوشال.
  • بيشيل الهمهمة والهزّة الواطية، بيخفف الضجة، بيسوّي العالي والواطي، كومبرسر، توحيد المستوى (EBU R128)، وبالآخر ليميتر ما بيعدّي السقف أبدًا.
  • طريقتين: ملف معالج جديد على تراك جديد (والأصلي ما بينحذف)، أو نقاط على خط الـ Volume بالكليب نفسه بتسحبها بإيدك، مع Hard Limiter على الكليب.
  • كثافة النقاط: "أقسام" (نقاط قليلة وين المستوى تغيّر فعلًا، زي ما الأذن بتسمع) أو "تفصيلي".
  • معاينة 30 ثانية قبل وبعد من أي دقيقة بدك.
  • بينبّهك إذا في نسختين من نفس التسجيل شغالين مع بعض، وبيطفي النسخ الزيادة بكبسة.
Before · -24.5 LUFS
After · -16 LUFS
EBU R128 · Hard Limiter
6 نقاط بدل 65
الخطوة 4 · جديد

Color Matchألوان كل الكاميرات زي الكاميرا المرجع

كاميرا مايلة للأصفر وكاميرا للأزرق؟ افتح سيكوانس المزامنة واختار الكاميرا المرجع. Monteur بيقارن كل كاميرا فيها بلحظات بيصوّروا فيها نفس المشهد، وبيوحّد الألوان.

  • بيحط Lumetri Color على كل كليبات الكاميرا، بقيم Temperature وTint وExposure وContrast وSaturation.
  • القيم عادية بـ Lumetri › Basic Correction، فبتقدر تعدّلها بإيدك بعدين.
  • معاينة قبل وبعد جنب الكاميرا المرجع قبل ما تطبّق.
  • خيار "كل ملف لحاله" إذا الكاميرا غيّرت إعداداتها بنص الحفلة.
  • الكاميرا المرجع ما بتنلمس أبدًا.
V1 · المرجع
V2 · قبل
←
V2 · بعد
Temp −14Tint +3Exp +0.4Sat 108
Lumetri Color ✓ 48 clips
الخطوة 5 · محدّث

Multicamبيقطع زي المونتير، وكل قصّة إلها سبب

حط الكاميرات المتزامنة على تراكات (V1، V2…) وMonteur بيقرر مين يطلع على الشاشة. طريقتين: حسب الصورة للأعراس والمناسبات، وحسب الصوت للبودكاست والمقابلات.

  • ما في طول ثابت للقطة: كل قصّة إلها سبب. حركة عنيفة بكاميرا؟ بيهرب منها للكاميرا الهادية. الجيمبل بياخد وسط المشية بس. ما بيروح أبدًا لكاميرا فاضية أو مصوّبة على حيط.
  • نوع كل كاميرا: ترايبود، واطية، جيمبل، كرين، إيد، درون، وكل نوع إله قواعده. خليه "تلقائي" وMonteur بيعرفه من الصورة، أو اختاره إنت.
  • أهمية كل كاميرا: "الأساسية" بتاخد أغلب اللقطات، و"الاحتياط" بتطلع بس لما يلزم.
  • سلايدر ثبات ↔ تنويع: لما كل الكاميرات منيحة، بيضل أطول على اللقطة أو بيبدّل أكثر، والتنويع بس لما كل الكاميرات فيها الحدث.
  • تعرّف على الوجوه: بتعطي الأشخاص المهمين نجمة لثلاث نجوم (العروس، العريس…)، والكاميرا اللي فيها هم بتطلع أكثر.
  • شريط اللقطات فيه "ليش كل قصّة"، وبتكبس عليه لتغيّر الكاميرا أو "قص هون".
  • بناء زي المونتير: الكاميرات بـ Nest واحد مع Multi-Camera مفعّل، وكل قصّة إلها كاميرتها. بعدين بتغيّر أي قصّة بـ 1، 2، 3 زي ما متعوّد. (أو "قطع منفصلة" إذا بتحب.)
  • بينبّهك إذا الألوان مش موحّدة قبل البناء، وبيشتغل على كل السيكوانس أو بس على الـ In/Out.
  • حسب الصوت: الكاميرا على مين عم يحكي، قص قبل الكلام بشوي، ولقطة "عريضة" لما أكثر من حدا بيحكي.
1 · Jib
2 · Gimbal
3 · Tripod
V1
أساسية
V2
عادية
V3
احتياط
00:12:40هرب من حركة عنيفة بكاميرا 2
00:13:05الجيمبل بنص المشية
Multi-Camera (Nest) · 1 2 3
★★★ العروس
الخطوة 6

Recapبرومو الحفلة على إيقاع الموسيقى

اختار اللقطات والأغنية، وMonteur بيحلل كل لقطة (الاهتزاز، الوضوح، الإضاءة، الحركة) وبياخد أحلى لحظة منها، وبيقصّها على البيت تبع الموسيقى.

  • المصدر: فولدر، أو كليبات مختارة من البروجكت، أو من السيكوانس (ملخّص لمونتاج ملتي كام طوله ساعتين).
  • الماركرز اللي حاطها على السيكوانس "لازم تدخل" بالبرومو.
  • كليب واحد طويل بيعطيك أكثر من لحظة، بالترتيب الزمني تبع الحفلة.
  • الطول على قد الأغنية أو مدة بتحددها، وماركرز البيت بتنحط على كليب الموسيقى.
  • سلو موشن 70% أو 50% مع Optical Flow للحظات الحلوة.
  • تصحيح لون أوتوماتيك (White Balance والإضاءة)، زوم ناعم، ترانزشنات بتتبدّل، وفيد للموسيقى بالآخر.
  • بيحكيلك قديش رح ياخد التحليل حسب طول اللقطات.
Slow-mo 50% · Optical Flow
برومو 60 ثانية جاهز ✓
الخطوة 7 · جديد

Titlesعنوان العريس والعروس بآخر العرس

اكتب الأسماء والتاريخ، اختار نموذج، وMonteur بيحط العنوان بحركة ناعمة بآخر السيكوانس أو مكان المؤشر.

  • 5 نماذج: كلاسيك، خطوط ذهبية، مونوغرام، إطار، حديث.
  • الأسماء، والتاريخ أو السنة، وسطر إضافي اختياري.
  • الخلفية: بيضا، أو لون بتختاره، أو شفافة فوق الفيديو. وبتختار لون الأسماء ولون الزخرفة.
  • اللوجو تبعك: تحت بالنص أو بالزاوية، وبتحدد حجمه. بينحفظ، فبالعرس الجاي بيكون جاهز.
  • بتحدد المدة بالثواني، والأسماء والألوان بتضل تتعدّل من Essential Graphics.
أحمد & سارة 16 · 11 · 2026
خطوط ذهبية
Essential Graphics
أدوات إضافية

وكمان أربع أدوات لأي شغل

أداة إضافية

Captionsكابشن تلقائي بالعربي والإنجليزي والعبري

Monteur بيسمع الكلام وبيكتبه بتوقيته بالضبط، بمحرك Whisper موجود جوّا البلجن. بيشتغل على جهازك بدون نت، وما بيطلع ولا ملف برا.

  • ثلاث لغات: عربي، English، עברית، مع اتجاه الكتابة الصح لكل لغة.
  • كابشن متحرك (دخول وخروج، كلمة بكلمة…) أو نص بريمير العادي إذا بدك تعدّل عليه بإيدك.
  • بتختار الخط (مع بحث بالخطوط)، والحجم، واللون، وعدد الكلمات بكل كابشن.
  • الكابشن الطويل بينزل لسطر ثاني لحاله وما بيطلع برا المنطقة الآمنة.
  • أسرع مع كرت NVIDIA، وبيشتغل كمان بدونه على المعالج.
عربيEnglishעברית
ألف مبروك للعرسان
Whisper · offline
أداة إضافية

Cut to Cutحذف السكتات بضغطة

للمقابلات والبودكاست والفيديوهات اللي فيها حكي: Monteur بيلاقي السكتات وبيقصها، وبيضل الكلام متصل وطبيعي.

  • بتحدد قديش السكتة لازم تكون طويلة عشان تنقص، وقديش هوا يضل قبل وبعد الكلمة.
  • معاينة على موجة الصوت: بتشوف وين رح يقص، وبتسمع النتيجة مع تخطّي المحذوف.
  • الصوت والصورة بيضلوا مع بعض بكل القطعات.
انحذفت 3 سكتات · 4.2 ثانية
أداة إضافية

Beat Markerعلامات على الإيقاع بالضبط

Monteur بيسمع الأغنية وبيلقط البيت تبعها، وبيحط ماركرز بالضبط عليه، فبتقص الفيديو على الإيقاع بدون ما تعدّ بإيدك.

  • كشف الإيقاع أوتوماتيك لأي أغنية.
  • بتسمع مترونوم فوق الموسيقى عشان تتأكد إنه البيت مضبوط قبل ما تطبّق.
  • الماركرز بتنحط على السيكوانس، فالقص عليها بيصير "سناب" مباشرة.
128 BPM · 64 markers
أداة إضافية

Speed Rampسبيد رامب جوّا اللقطة

اختار كليب فيديو، اختار نموذج، وعدّل المنحنى بإيدك. Monteur بيعمل السبيد رامب جوّا اللقطة نفسها بـ Time Remapping حقيقي، مضبوط على الفريم.

  • نماذج جاهزة، ومنحنى سرعة: اسحب النقاط لفوق أسرع ولتحت أبطأ، دبل كليك بيضيف نقطة وكليك يمين بيحذفها.
  • الانتقال بين النقاط ناعم أو حاد، وبتحدد أسرع وأبطأ سرعة، وورا المنحنى صوت الكليب.
  • بتحفظ المنحنى كنموذج لشغلك الجاي.
  • جوّا اللقطة بـ Time Remapping، أو كقطع ورا بعض إذا بتحب هيك، والأصلي بيضل محفوظ تحت.
400%25%400%
Time Remapping · frame-exact
كله جوّا البلجن

تثبيت واحد، وكل إشي جاي معه

كل الإشي اللي Monteur محتاجه جاي معه: ما في برامج تنزّلها لحال، ولا حساب بخدمة ثانية، ولا رفع لفيديوهاتك على الإنترنت.

Offline

التحليل والكابشن والصوت كلهم على جهازك. فيديوهات زبائنك ما بتطلع برا.

FFmpeg + Whisper + AI

محرك الصوت والفيديو، ونموذج الكلام، ونماذج الوجوه، كلهم مرفقين وجاهزين.

NVIDIA أو بدونه

أسرع بكثير مع كرت NVIDIA، وبيضل يشتغل على أي جهاز ويندوز.

واجهة عربية

كل البلجن بالعربي ومن اليمين لليسار، مع "الخطوة الجاية" بعد كل أداة.

آمن على مشروعك

Monteur ما بيحذف الأصلي أبداً: بيعمل تراكات وسيكوانسات جديدة، والأصلي بيضل محفوظ.

MEGA Bridge

اربط بريمير مع Claude: بتحكيله شو بدك بالعربي، وهو بيشتغل على التايم لاين عن طريق Monteur.

التثبيت

تطبيق MEGA بيثبّتلك Monteur بكبسة

MEGA هو تطبيق ويندوز صغير بيجمع أدوات Ghanem Productions. بتنزّله مرة وحدة، ومنه بتثبّت Monteur، بتفعّله، وبتحدّثه.

  1. اكبس «جرّب 7 أيام مجانًا» وشغّل ملف التثبيت.
    إذا طلع تحذير ويندوز الأزرق (SmartScreen): More info ← Run anyway. هاد طبيعي لبرنامج جديد.
  2. بتطبيق MEGA، على بطاقة Monteur، اكبس «Try 7 days».
    Monteur بيتثبّت بفولدر لحاله: C:\Program Files\MEGA\Monteur
  3. افتح البريمير ← Window ← Extensions ← Monteur. من هون بتبلّش الـ 7 أيام.
  4. بدك تكمّل بعد الـ 7 أيام؟ ابعت رقم جهازك من تبويب «التفعيل» لشركة Ghanem Productions. بيوصلك كود، بتلصقه بنفس المكان وبتكبس «فعّل».
    بالتجربة، تبويب «التفعيل» بيوريك قديش باقي من الأيام. خانة الكود بس للي اشترى.

التحديثات: تطبيق MEGA بيحدّث حاله (Update MEGA)، وMonteur بيتحدّث من بطاقته (Update to …).

MEGA
Windows
AccountActivationPlugins
تحديث لتطبيق MEGA نفسه: نسخة 1.1.0 جاهزة.Update MEGA
Monteurالمساعد الذكي لكل مونتير.
Try 7 days
…بلجنات جاية
قريبًا
C:\Program Files\MEGA\Monteur
مختوم من Ghanem Productions ✓
جرّب ببلاش

7 أيام Monteur ببلاش، بدون كود

MEGA وMonteur مجانًا 7 أيام، بدون كود ولا بطاقة. بتنزّل MEGA، وعلى بطاقة Monteur بتكبس «Try 7 days»، وبتفتح Monteur بالبريمير: من أول فتحة بتبلّش الـ 7 أيام. بعدها بتفعّله بكود لجهازك، وشغلك بيضل زي ما هو.

بالتجربة، تبويب «التفعيل» بيوريك قديش باقي من الأيام. خانة الكود بس للي اشترى.

ببلاش

تجربة 7 أيام

  • كل الأدوات، بدون ما ينقص إشي
  • الـ 7 أيام بتبلّش من أول فتحة لـ Monteur بالبريمير
  • بعد ما تشتري، بتلصق الكود بتبويب «التفعيل»، وشغلك بيضل زي ما هو
جرّب 7 أيام مجانًا

MEGA › Monteur › Try 7 days

التفعيل بكود الجهاز

  • بتطبيق MEGA، بتبويب التفعيل، بيطلعلك رقم جهازك مع QR.
  • بتبعته لشركة Ghanem Productions، وبيوصلك كود تفعيل لجهازك.
  • الكود لجهاز واحد. لكل جهاز كود لحاله.
  • الدخول بحساب Google والاشتراكات: قريبًا.
MEGA-XXXX-XXXX-XXXX-XXXX
ملفات PDF

بدك تقرأ أكثر؟ نزّل الملفات

بروشور قصير بتبعته لصاحبك أو لزبونك، ودليل كامل بالعربي لكل خطوة.

الأسعار

اشتراك واحد، كل الأدوات

الاشتراكات الشهرية والسنوية، والدخول بحساب Google: قريبًا. هلّق: جرّب 7 أيام ببلاش، وبعدها كود تفعيل لجهازك.

شهري

قريبًا
بالشهر · بينسحب أوتوماتيك من الفيزا
  • كل أدوات MEGA وكل التحديثات
  • 7 أيام تجربة مجانية بالبداية
  • جهازين على نفس الحساب
  • بتلغي إمتى ما بدك
بينزل قريبًا
الأوفر

سنوي

قريبًا
بالسنة · لحد 12 دفعة بالفيزا
  • كل أدوات MEGA وكل التحديثات
  • بتوفّر تقريبًا شهرين ونص
  • تقسيط لحد 12 دفعة (بطاقة إسرائيلية)
  • جهازين على نفس الحساب
بينزل قريبًا

أسئلة

أسئلة بتتكرر

شو بحتاج عشان يشتغل Monteur؟

Adobe Premiere Pro 2022 أو أحدث على ويندوز 10 أو 11 (64 بت)، وتقريبًا 6 جيجا مساحة فاضية (للتنزيل والتركيب). كل الإشي الثاني (FFmpeg، Whisper، نماذج الذكاء) جاي جوّا البلجن. كرت NVIDIA بيسرّع التحليل والكابشن، بس مش ضروري.

كيف بنزّله وبثبّته؟

اكبس «جرّب 7 أيام مجانًا» وشغّل ملف التثبيت (إذا طلع تحذير SmartScreen: More info ← Run anyway). بتطبيق MEGA، على بطاقة Monteur، اكبس «Try 7 days». بعدها افتح البريمير ← Window ← Extensions ← Monteur، ومن هون بتبلّش الـ 7 أيام. التحديثات بتوصل من التطبيق نفسه.

بيشتغل بدون إنترنت؟

آه. كل الأدوات بتشتغل على جهازك، والتفعيل بكود الجهاز ما بيحتاج نت. النت بس للتنزيل والتحديثات.

على كم جهاز بقدر أستعمله؟

كود التفعيل مربوط بجهاز واحد. إذا بدك Monteur على الكمبيوتر واللابتوب، بتاخد كود لكل جهاز. وإذا فرمتت أو بدّلت الجهاز، بتطلب كود جديد.

كيف بيصير الدفع؟

الاشتراكات الشهرية والسنوية والدخول بحساب Google بينزلوا قريبًا. هلّق التفعيل بكود من Ghanem Productions، وفي 7 أيام تجربة ببلاش.

بيلعب Monteur بمشروعي الأصلي؟

لا. كل أداة بتعمل تراكات أو سيكوانسات أو ملفات جديدة، والكليبات الأصلية بتضل زي ما هي.

شو الفرق بين MEGA و Monteur؟

MEGA هو التطبيق والعلامة: بيجمع أدوات Ghanem Productions، بيثبّتها، بيحدّثها وبيفعّلها. Monteur هو أول بلجن من MEGA، لـ Premiere Pro.

Monteur بيعمل المونتاج بدالي؟

لا. Monteur مساعد للمونتير، مش بديل عنه: بيوفّر عليك الشغل الطويل والمكرر (المزامنة، الترتيب، أول قصّ للملتي كام…)، وإنت بتراجع وبتعدّل وبتقرر. كل إشي بيطلع على التايم لاين بيضل بإيدك.

جاهز توفّر ساعات بكل مناسبة؟

ابلّش بـ 7 أيام مجانًا، وبعدها كود تفعيل لجهازك.

جرّب 7 أيام مجانًا الدليل والبروشور (PDF)